هواحد سلام عليكم
دابا بيغيتو تقول ليا كاملين تتعرفو تصيبو البغرير والمسمن اوا باز انا اليوم غادة نعطيكم مقادير نتاع البغرير وياربي يعجبكم
عندك واحد 250 غ نتاع سميدة رقيقة ( سميدة ديال الحلوة هههه )
وعندك واحد 250 غ نتاع الفورص ( نتاع الحلوة ههههههههه )
وعندك واحد ملعقة صغيرة ونص نتاع الخميرة نتاع دار ( خميرة نتاع الخبز ههه)
وعندك واحد رشة نتاع الملح ( عنداك تمشي تملحي بزاف )
وعندك واحد لترو نتاع الماء دافي ( يعني سخون ههههه )
وعندك العسل وزبدة للدهن حسب الرغة سيدتي هههههههههه
ايوة اسيدتي غادة تكفدي كمايمك وتحطي واحد زلافة كبيرة ( باش نخلطو فيها هه) وغادين نكبو سميدة في زلافة هيا وفورص والخميرة والملح ونضيفي ليهم الماء بشوي بشوي ولا ديرو بحالي تنخلطو في مونينيكس بش ما تكورش ليا ونخليوه واحد ساعة حتى يخمر
ومن بعد ناخدو مقلاة تفال ونديروها تسخن ونكبو فيها مقدار نتاع مغرفة ديال عجين لي عندنا وملي يبان ليك كامل تقب وشد راسو حيديه ودهنيه بالزبدة والعسل لي غادين نكونو دوبناهم مع بعضهم من قبل ايوة بالصحة والراحة مع شي براد نتاع اثاي في الحلقة جايا غادة نكتب ليكم مقادير نتاع اثاي لملقم اسيدتي هههههههههههههههه