نبداو بالصوصيص شديته طيبته ونشفته من الزيت و دوزت عليه العجينة المورقة و دهنتوه بصفر البيض و دخلتوه للفران واللى بغا ممكن يدردر شوية الفرماج بشي دقائق قبل ما تخرجيه
هدا التوست بالكروفيت
شديت الكروفيت طيبتوه في شوية الزبدة و ملحة تقريبا 5 دقايق
خديت الفروماج اللي كيتدهن ديرو نوع فيلادلفيا ولا كيري و زيدو عليه شوية مايونيز و شوية كريم فريش و شوية الكروفيت المشحر مع شوية السمك المدخن من الافضل السومون غير باش يعطي نسمة التدخين وطحنوه وملحة وابزار عاد زيدو عليه شوية من الثوم القصبي مقطع و قطعو التوست بالشكل اللي بغيتو وعمروه بالكريمة و فوقه حبات من الكروفيت بحال الصورة
بالنسبة لميني همبورغر
كندهنو جهة بالمايونيز والكتشاب و الاخرى بالموتارد و الكتشاب و نعمل خس و فرماج و بالنسبة للبصلة كنشحرها مع الكفتة باش تشرب النسمة حيت ما كنبغيوهاش خضرة
بالنسبة للرولي
عجينة السبانخ
37 غ زبدة
50 غ دقيق
18 سنتلتر حليب
3 البيض مفصولين
37غ سبانخ مشحرة و منشفة من الماء
ملح و ابزار
بسكوي بالطماطم
نفس المقادير غير هو عوض السبانخ نديرو معلقة كبيرة مركز الطماطم
الحشوة بفروماج الدهن و ملح و ابزار
ناخدو الزبدة المدوبة نزيدو عليها الدقيق ونخلطو و نسخنوها شوية ثم الحليب بارد مع التحريك حتى تتقال بحال بيشاميل ثم الملح و شوية الابزار
ونفس الطريقة غادي تبعوها مع بسكوي بالطماطم
انا حيت ما بغيتش ندير بزاف عملت غير مقادير ديال بسكوي وحدة و عملت البشاميل و خلطت مع صفر البيض و قسمتهم على جوج عاد زدت السبانخ و الطماطم و صبيتهم في قالب واحد بجوج مناصفة
منين برد قطعته من النصف و عملت فروماج الدهن ثم القطعة التانية و ثم فروماج وفي الطرف ممكن تديرو كورنيشون او اللي حبيته انا درت بيبي مدخن
ودرتوه في التلاجة حتى بغيت نستعمله عاد قطعته
وعملته في كويغطات
على فكرة الى استعملتو المقادير كاملة خاصكم منين تبغيو تعملو المونتاج تقسمو على النص البسكويات غادي تخرج لكم جوج رولي
هادو معينات بالكروفيت كنت بغيت نحطهم الساعة الورقة كانت عندي محلولة وما شفتهاش دخلها البرد و ما عطاتنيش الطوع في اللف وما عاودش سربيتها
كروفيت مشحر و فرميسل و شومبنيون و شرمولة الحوت