افتراضي نحيفة ومعمرك غلاضيتي ولا تزاد فك كيلو دخلي تعرفي السبب الرئيسي

salam ana men lmonadilat l9odama dyal nahafa 3endi 24 ans ofiya 44 kg otol 1.57 o3mri maghladit ila ga3 tyzet kantzad kolo aw kilo oness jerbt kolchi lmokassarat bkol anwa3ha o lhalawa tahiniya olhelba osfouf onuravit o pervital sirop o fanid alhalba m3a chriha ozbib o3asir lbatatissi omaroja m3a nestlé o sirop olhelba m3a lbed lbldi................. ozid ozid omo2akhran jerbt l amlaj oheb l3ziz owalo matzad fiya wlo.
mli nkent kan9ra f lycée kent 3adi wakha r9i9a walakin machi bezzaf kant fiya 50 an 51 okent ghir kanglss chi 3otla kanghlaaad wakha tkon ghir semana omli tle3t l fac hit b3ida 3liya kanrkeb 2 tobissat omakanftrch omakanakolch od3afit.

lmohim khalti tzewjta hadi 2 mois l tiznit omchit 3endha hadi 15j glst 3endha 1 semaine ohiya sakna m3a 3gouztha ochaftni maklti na9ssa ohiya tjem3 m3aya 3la lwazn dyali o3awt liha 3la massari m3a nahafa o lwasafat ohoya tgoul liya n3ssi on3ast 3la dhri osekhnat idiha fou9 lmjmr odhnathoum bzzit ob9at katmesd liya fem lm3da ol9at fiya
boumzwi lm3el9 howa sbab nahafti ohowa m3rouf 3lik khabit makaybanch oma3ndouch atar aw a3radbach thssi bih kayb9a las9 m3a lm3da okayakol makla lli, kanaklo omakatbanch fina odaba rah msdato liya okwato liya owahed lhaja hiya makatkwich mobacharatan kathet sebara 3la makan boumzwi okatkwi 3liha mahssitch bhta chi haja odaba rah tzat fiya 3kg f 10 j bla wasafat. odaba 9errt bach ndir chi wesfa bach n3awn biha onghlad wa akhiran ghadi ithe99 l holom dyali.

semho liya twelt 3likom ghir howa khaskom t9elbo yak mafikom had boumzwi lm3le9 et merci