شعري جاف بلميش و دابة و الله غزال ايوا دخلوا تستافدوا

المهم الالة اول حاجة هو تغسلي شعرك الا موسخ حيت و الله الشعر مكيستافدش من اي وصفة الا الا كان نقي و جربوها حيت الا كان موسخ الزعبة ميدمة و الفروة اصلا المسام مسدودين على شحال عاد يستافد ادن اول خطوة نغسل شعري و نشفوا و من الاحسن نخليه مطلوق حتى ينشف على خاطرو بالنسبة لي درت له سيشوار و بقيت نظربو بيدي حتى نشف و انا نقولها من دبا اياكم من السيشوار و تجباد راه غير كتحرق الزغبة يعني السيشوار غير ضربي 2 ضربات 3 باش ينشف ايوا سيري الالة جيبي بصلة و شي 6 ضروس تومة قسمي البصلة على 4 و قبطي التومة و قسمي كل ضرس على 2 و ديري جهد زلافة او زلافة و نص ماء و خليها تغلى مزيااااااااااان ملي يولي الماء صفر حيديه و خليها تبرد على خاطرها جيبي الحلبة عارفة الريحة مزويناش مي راح بشومبوان كلشي الريحة كتمشي المهم خلطي الحلبة بداك الماء و طلي لي شعرك مزيان و شققي مزيان و ديري شي بوني و جلسي بيها ديك 5 سوايع حتى تيشرب الشعر مزيان الحلبة السر غادي تنوضي و تغسليه مزيااااااااان من ديك الحلبة و ديري غير كوش واحد شومبوان يعني متغسليش مزيااان نشفيه بفوطة عادي و سيري فديك الاتناء جيبي بنانة تكون طايبة مزيان و خلطيها بزيت لوسيور مشي البلدية لوسيور معكيها مزيان كتولي كيف الكريم ايوا طلي شعرك خصلة بخصلة و الا قدرتي عمليها كيف ترطيبة طلبي اختك و دوري معاها ههههههههه و لا ماماك و ديري شقا الدار هههههههههههه رشوة زعمة المهم الالة مولاتي ديري بوني ديالك خليها ديك ساعتين او 3 و خرجي للحمام ملي تحكي و تطلاي بالحنة و اداد ههههههههههه و تحكي غسلي شعرك بشامبوان الخاص بشعرك و لكن نصيحةةةةةةةةةةةةةةةةةةةةةةةةةةةةةةةةةةةة خلطي قرعتك د شومبوان بشوي من زيت زيتون ديري فيها زيت زيتون جهد 3 معالق كبار غادي تقولي علاش لانك كتهرسي المواد الكيماوية اللي فشمبوان المهم ملي تغسلي شعرك مزيان و تديري الصابون نتاعك و تخرجي بصحتك كيف غادي تطلي جسمك بكريم يرطب ليك لحمك طلي شعرك شوي بزيت الكوك اه انا كنديه معايا للحمام و كندهنو بزيت الكوك و نقيطات زيت الزنجلان و دوريه و ايااااااااااااااكي من السيشوار فهد الفترة راه الشعر الناشف بغا عناية خاصة عامل كيف الارض اللي ناشفة ا واكحة باش ما اعطيتيه الزيوت و الماسكات كيتغدى قسما بالله شعري عجبني بزااااااااااف و حسيتو تطلق بزاف و ناوية كل سيمانة نديرهاااا و انا كيف استافدت منها قلت نفيد خواتاتي ناري عييت بالكتابة ايوا