بغيتي يكتر شعرك ويطول اوا دخلي والله الا مجربة

وصفة اكتر من رائعة لتكثيف الشعر
في الاول غدي نحكي لكم اشنو وقع لشعري هادي عام ،كان عندي تبارك الله شعر طويل وكتيف بزاف واحد نهار غرني الشيطان قلت نمشي نقطعوا ديغردي طويلة ،اوا امي حدرتني منشيش عند واحد الكوافورة حنت مبتدئة ولكن مدرتش بكلامها مشيت عندها وقطعتوا ليا كاري .ايه عماني الله مشفت غاع اش كدير
تعقدت بزاف او العائلة عجبها الحال حينت انا اللي كان عندي اطول شعر .
المهم بلا منطول عليكم سمحوليا،
درت واحد الوصفة فنا والله والله الا ولا طويل بزاف ،
كتخدي ورق النبق مطحون تقريبا 3 معالق .https://2img.net/r/ihimizer/i/32071101260718349.jpg/

تخدي تقريبا 2 كؤوس الماء في كسرونة و3ضروس الثومة معلقة صغيرة الحلبة الا خفتي من الريحة تبقة بلاش وزيد بصلة مقطعة على اربعة تخلي الخليط يخلى مزيان حتى يولي اصفر وخليه يرتاح شوية ،من بعد كتخدي السدر المطحون تزيدي عليه 2 معالق زيت الخروع وزيت زيتون او اي زيت كتفضليه .وتزيدي الخليط اللي غلتيه وتخلطي مزيان وتخليه يرتاح وديريه لشعرك .
بالنسبة اللي عندها شعر جاف دير فحالي حينت هاد الوصفة كتنشف الشعر ولكن الا درتي من حمام زيت عاد ديريها ماغديش تنشفوا .